Hugbúnaðarsérfræðingur

Við leitum að öflugum liðsauka í tölvuþjónustu Verkís. Tölvuþjónustan ber meðal annars ábyrgð á rekstri og viðhaldi notendaþjónustu, hugbúnaði, netþjónum og skýjalausnum Verkís.

Við leitum eftir jákvæðum og þjónustulunduðum einstaklingi sem býr yfir frumkvæði, skipulagshæfni og metnaði í starfi og á auðvelt með að tileinka sér nýjungar.

Helstu verkefni snúa að rekstri og viðhaldi Sharepoint, Power Platform, skjalastjórnunarkerfis, CRM- og ERP kerfa. Starfið felur jafnframt í sér þátttöku í samþættingu og sjálfvirknivæðingu kerfa stofunnar ásamt ráðgjöf til stjórnenda við val á tæknilegum útfærslum og samþættingu kerfa.

Menntunar- og hæfniskröfur

• Háskólamenntun í tölvunarfræði, hugbúnaðarverkfræði eða sambærileg menntun
• Þekking á rekstri skýjaumhverfa
• Reynsla af notkun gagnagrunna
• Þekking á forritunarmálum
• Þekking á virkni API-viðmóta
• Góð tæknileg yfirsýn og skipulagshæfni
• Hæfni til að vinna bæði sjálfstætt og í hópi
• Góð kunnátta í íslensku og ensku

Gert er ráð fyrir að starfsstöð viðkomandi verði í aðalsstöðvum Verkis í Reykjavík.

Umsóknarfrestur er til og með 13. september 2026.

Nánari upplýsingar veitir Áslaug Ósk Alfreðsdóttir, sérfræðingur í mannauðsmálum, aoa@verkis.is