Starfsfólk í búsetuþjónustu við Hafnarstræti 16

Velferðarsvið óskar eftir starfsfólki í búsetuþjónustu í búsetukjarnanum Hafnarstræti 16. Um er að ræða 80% vaktavinnu þar sem unnið er á morgun-, kvöld-, nætur- og helgarvöktum. Umsækjendur þurfa að geta hafið störf sem fyrst, um tímabundna ráðningu er að ræða til áramóta 2026/2027.

Velferðarsvið veitir fjölbreytta þjónustu sem miðar að því að styðja fólk til sjálfstæðrar búsetu og skapa því aðstæður til að lifa sem eðlilegustu lífi, bæði á eigin heimili og utan þess.

Velferðarsvið Akureyrarbæjar vinnur eftir hugmyndafræði þjónandi leiðsagnar (gentle teaching) og valdeflingar. Starfsfólk þarf að tileinka sér þessa hugmyndafræði og vinna í samræmi við hana.

Helstu verkefni eru:

• Veita íbúum persónulegan stuðning og aðstoða þá við að njóta menningar-, tómstunda- og félagslífs.
• Aðstoða við allar athafnir daglegs lífs.
• Efla sjálfstæði og frumkvæði íbúa og sýna stuðning og vináttu.
• Vinna samkvæmt öguðum og skipulögðum vinnubrögðum, fylgja þjónustuáætlunum, sinna dagskipulagi og starfa undir handleiðslu fagfólks.
• Sinna almennum heimilisstörfum.
• Eiga samskipti við ýmsa þjónustuaðila.

Hæfniskröfur:

• Nýfengin reynsla af starfi með fötluðu fólki er kostur. Reynslu skal tilgreina í umsókn.
• Góð samskiptahæfni og áhugi á að starfa með fólki.
• Lipurð, jákvæðni, kurteisi og trúnaður í samskiptum við íbúa, samstarfsfólk og aðra sem tengjast starfinu.
• Vandvirkni, samviskusemi og þagmælska.
• Sveigjanleiki vegna mismunandi þarfa þeirra einstaklinga sem verið er að styðja.
• Frumkvæði, samstarfshæfni og sjálfstæði í starfi.
• Jákvætt viðhorf til fólks með fötlun og réttinda þeirra.
• Þekking á þjónandi leiðsögn og valdeflingu er kostur.
• Bílpróf á beinskiptan bíl.
• Góð íslenskukunnátta.
• Gott líkamlegt og andlegt atgervi.
• Gerð er krafa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu.

Tekið verður tillit til Mannréttindastefnu Akureyrarbæjar um jafnréttismál við ráðningu í starfið.

Laun eru samkvæmt kjarasamningi Sambands íslenskra sveitarfélaga og Einingar-Iðju.

Upplýsingar um kaup og kjör veitir launadeild Akureyrarbæjar: launadeild@akureyri.is

Nánari upplýsingar um starfið veitir Hlynur Már Erlingsson í síma 460-1404 eða í netfanginu hlynurmar@akureyri.is milli kl. 09 og 15 virka daga.

Einungis er tekið á móti rafrænum umsóknum á heimasíðu Akureyrarbæjar www.akureyri.is

Aðgengi að tölvu og aðstoð vegna umsókna stendur til boða í Þjónustuveri Akureyrarbæjar, Geislagötu 9.

Umsóknarfrestur er til og með 9. september 2026.