Leikskólakennari

Leikskólinn Ársalir óskar eftir að ráða leikskólakennara. Ef ekki berst umsókn frá einstaklingi sem uppfyllir menntunarkröfur verður skoðað að ráða leiðbeinanda. Um 100% framtíðarstarf er að ræða, möguleiki er þó á hlutastarfi (50%). Æskilegt er að viðkomandi geti hafið störf sem fyrst eða eftir samkomulagi.

Fríðindi í starfi:

• Frí yfir jól og áramót og 5 vikur yfir sumartímann (leikskólinn verður lokaður).
• Stytting vinnuvikunnar - 36 stunda vinnuvika m.v. fullt starf (dögum er safnað upp og teknir út á lokunar- og skráningardögum leikskólans og skv. samkomulagi).
• Frítt fæði á vinnutíma.
• Dagleg útivera.
• Undirbúningstími fyrir leikskólaliða og ófaglærða sem starfað hafa í þrjú ár eða lengur.
• Heilsueflingarstyrkur eftir sex mánuði í starfi.
• Farsímaáskrift (Sýn) eftir sex mánuði í starfi.
• Stuðningur við starfsfólk sem stunda nám í leikskólakennarafræðum.

Leikskólinn Ársalir er 11 deilda leikskóli með starfsstöðvar á tveimur stöðum á Sauðárkróki. Í leikskólanum eru tæplega 200 börn og þar starfa um 65 manns, sem eiga það sameiginlegt að hafa gaman af vinnu með börnum. Einkunnarrorð leikskólans eru: Vinátta - Virðing - Vellíðan. Nánari upplýsingar um leikskólann er að finna á heimasíðunni www.arsalir.leikskolinn.is.

Helstu verkefni eru:

• Vinna að uppeldi og menntun barna.
• Fylgjast vel með velferð þeirra og hlúa að þeim andlega og líkamlega í samræmi við eðli og þarfir hvers og eins svo að þau fái notið sín sem einstaklingar.
• Taka þátt í gerð skólanámskrár, mati á starfsemi leikskólans og þróunarverkefnum undir stjórn leikskólastjóra.
• Taka þátt í gerð skipulagningu faglegs starfs deildarinnar undir stjórn deildarstjóra.
• Vinna í nánu samstarfsi við foreldra/forráðamenn barnanna.
• Sitja fundi sem haldnir eru á vegum leikskólans.

Menntunar- og hæfniskröfur:

• Leikskólakennaranám og leyfisbréf til kennslu.
• Óskað er eftir jákvæðum, sjálfstæðum, ábyrgum og sveigjanlegum einstaklingum.
• Afar mikilvægt er að viðkomandi eigi auðvelt með mannleg samskipti, geti lesið í umhverfi sitt, sýni frumkvæði í starfi og sé tilbúinn til að takast á við skemmtilegt starf með börnum.
• Viðkomandi þarf að vera tilbúinn til að leita og nýta tækifærin sem gefast við mótun skólans með skólaþróun að leiðarljósi.
• Reynsla af starfi í leikskóla er kostur.
• Umsækjandi þarf að geta átt samskipti á íslensku við nemendur, samstarfsfólk og foreldra.
• Almenn tölvukunnátta er nauðsynleg.
• Mikilvægt er að umsækjendur kynni sér áherslur skólans og séu tilbúnir að vinna eftir þeim.
• Hreint sakavottorð skv. lögum um leikskóla.

Leikskólakennarar starfa samkvæmt lögum og reglugerð um leikskóla, öðrum lögum er við eiga, aðalnámskrá leikskóla, skólastefnu sveitarfélagsins sem og öðrum stefnum sveitarfélagsins sem í gildi eru á hverjum tíma og við eiga.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Nánari upplýsingar um störfin eru veittar með því að senda póst á netfangið arsalir@skagafjordur.is.

Einungis er tekið við rafrænum umsóknum á heimasíðu sveitarfélagsins www.skagafjordur.is (laus störf). Prófskírteini, leyfisbréf og greinargóð ferilskrá skal fylgja umsókn.

Áhugasamir einstaklingar, óháð kyni, eru hvattir til að sækja um. Öllum umsóknum verður svarað að lokinni ráðningu.