Stuðningsfulltrúi

Stuðningsfulltrúi óskast til starfa í Breiðholtsskóla í 70-100% starf.

Starfsfólk vinnur saman í teymum, tekur virkan þátt í þróun skólastarfsins og starfsandi er góður. Mikil áhersla er lögð á læsi í víðum skilningi, félagsfærni og sjálfseflingu nemenda. Breiðholtsskóli státar af fjölmenningarlegu samfélagi bæði nemenda og starfsmanna en rúmlega 60% nemenda hafa annað móðurmál en íslensku.

Leitað er að metnaðarfullum einstaklingi sem býr yfir frumkvæði, er sjálfstæður í vinnubrögðum og vill vinna í góðu og jákvæðu umhverfi.

Helstu verkefni og ábyrgð:

• Aðstoðar nemendur við daglegar athafnir og þátttöku í skólastarfi, frímínútum og vettvangsferðum.
• Aðstoðar nemendur við að ná settum viðmiðum samkvæmt skólanámsskrá/einstaklingsnámskrá undir leiðsögn kennara og deildarstjóra stoðþjónustu.
• Að auka færni og sjálfstæði nemenda félagslega, í námi og í athöfnum daglegs lífs.
• Að stuðla að velferð nemenda í samstarfi við foreldra og annað fagfólk.

Hæfniskröfur:

• Stúdentspróf eða sambærileg menntun.
• Lipurð í samskiptum og sveigjanleiki í starfi.
• Reynsla og áhugi á að starfa með börnum.
• Skipulögð vinnubrögð, frumkvæði og sjálfstæði.
• Nákvæmni og fagmennska í vinnubrögðum.
• Íslenskukunnátta á stigi B2samkvæmt evrópska tungumálarammanum.
• Hreint sakavottorð í samræmi við lög og reglur Reykjavíkurborgar.

Fríðindi í starfi:

• Menningarkort – bókasafnskort
• Samgöngustyrkur
• Sundkort
• 36 stunda vinnuvika fyrir fullt starf
• Heilsuræktarstyrkur

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Nánari upplýsingar veitir Ásta Bjarney Elíasdóttir, skólastjóri Breiðholtsskóla. Sími 4117450, netfang asta.bjarney.eliasdottir@reykjavik.is.