Afgreiðslustjóri - Krónan Lindir

Krónan leitar að afgreiðslustjóra sem brennur fyrir framúrskarandi þjónustu og upplifun viðskiptavina. Afgreiðslustjóri ber ábyrgð á daglegum rekstri afgreiðslusvæðis, þar með talið afgreiðslu, sjálfsafgreiðslu, uppgjöri kassa, þjónustuupplifun viðskiptavina og eftirliti með öryggi og verklagi.

Um fullt starf er að ræða þar sem vinnutíminn er 10-19 aðra vikuna og 13-21:15 hina vikuna og þriðja hver helgi. Mikilvægt er að viðkomandi geti hafið störf sem fyrst.

Helstu verkefni og ábyrgð

• Afgreiðsla
• Umsjón með sjálfsafgreiðslusvæði og afgreiðslukössum
• Eftirlit með frávikum á afgreiðslusvæði
• Samvinna við eftirlitsdeild, Stafræna þróun og aðra lykilaðila
• Gæði á upplifun viðskipavina við afgreiðslusvæði
• Frágangur á afgreiðslusvæði
• Uppgjör afgreiðslukassa
• Verðmerkingar á kassasvæði

Menntunar- og hæfniskröfur

• Umsækjendur þurfa að hafa náð 18 ára aldri
• Góð íslensku- og enskukunnátta skilyrði
• Framúrskarandi samskiptahæfni og þjónustulund
• Skipulagshæfni, sjálfstæði og ábyrgð í starfi
• Færni til að læra á allar tæknilausnir á afgreiðslusvæði
• Reynsla úr þjónustustarfi er kostur
• Hreint sakavottorð

Fríðindi í starfi

• Styrkur til heilsueflingar
• Aðgangur að Velferðarþjónustu Krónunnar
• Afsláttarkjör hjá Krónunni, N1, ELKO og Lyfju

Hjá Krónunni starfar fjölbreyttur hópur fólks og við leggjum mikið upp úr því að skapa góðan vinnustað. Krónan á ánægðustu viðskiptavinina 9. árið í röð og erum með jafnlaunavottun VR.

Umsóknarfrestur er til og með 23. september 2026